Beradings verhouding en Regte van die Beradene

Berading is ’n professionele verhouding met omskrewe regte en verantwoordelikhede vir beide die berader en die beradene. Hierdie grense help om ’n veilige, respekvolle en ondersteunende ruimte vir persoonlike groei en verandering te skep. Die beradings proses bestaan tot jou voordeel en welstand, en dit is belangrik dat jy jou regte verstaan, sowel as die beperkings van daardie regte.
Jy mag berading te eniger tyd beëindig. Indien jy dit oorweeg, word jy aangemoedig om dit so vroeg moontlik met jou berader te bespreek. Waar dit moontlik is, word ’n beplande beëindiging aanbeveel om vordering te evalueer, onafgehandelde sake aan te spreek en die beradings verhouding op ’n gesonde wyse af te sluit.
Indien jy op enige stadium glo dat jou berader nie die regte persoon vir jou is nie, word jy aangemoedig om hierdie bekommernis te opper. Indien die saak nie opgelos kan word nie, sal jy gehelp word om ’n alternatiewe geskikte berader te vind.
Deur hierdie dokument te onderteken, tree jy in ’n wetlik bindende ooreenkoms tussen berader en beradene. Jy mag hierdie ooreenkoms te eniger tyd skriftelik herroep, onderhewig aan enige stappe wat reeds geneem is in vertroue daarop.

Jou Regte as ’n Beradene

As ’n beradene het jy die reg om:
  • Duidelike inligting te ontvang oor die beradings proses en verwagtinge
  • Aktief deel te neem aan besluite rakende jou beradings doelwitte en -proses
  • Toestemming vir berading te weier of te eniger tyd terug te trek
  • Verwysings na ’n ander professionele persoon aan te vra indien nodig
  • Te verwag dat jou persoonlike inligting vertroulik hanteer sal word, binne wetlike en etiese perke.
Beradingsdienste
Berading kan help om verhoudings te verbeter, duidelikheid te bring oor persoonlike uitdagings en emosionele of geestelike nood te verminder. Uitkomste kan egter nie gewaarborg word nie, en elke persoon se ervaring van berading is uniek. Afhangende van die behoeftes van die beradene, kan sommige sessies familielede insluit. Beradingsdienste word aan kinders, adolessente en volwassenes aangebied as deel van die kerk se beradings ondersteunings bediening.
Afsprake
Berading sessies is 60 minute lank. Uitsonderings kan gemaak word na gelang van die behoeftes van die geval.
Vertroulikheid
Vertroulikheid is ’n kern waarde van die beradings verhouding. Beraders is eties en wetlik verplig om jou privaatheid te beskerm. Inligting wat tydens berading gedeel word, sal nie sonder jou toestemming bekend gemaak word nie, behalwe in spesifieke omstandighede wat deur die wet vereis word of om veiligheid te beskerm.
Waar moontlik, sal enige behoefte om vertroulikheid te beperk vooraf met jou bespreek word. Indien vertroulikheid beperk moet word, sal slegs relevante en noodsaaklike inligting gedeel word, met respek vir jou waardigheid en selfbeskikking.

Type your new text here.

Beperkings op vertroulikheid sluit situasies in waar:

  • Daar ’n redelike vermoede bestaan dat jy jouself of ’n ander persoon kan benadeel
  • Daar bekendmaking is van die voorneme om ’n ernstige misdaad te pleeg, of ’n erkenning van ’n reeds gepleegde ernstige misdaad
  • Daar kennis of vermoede is van mishandeling of verwaarlosing van ’n weerlose persoon (insluitend kinders, vroue of bejaardes)
  • Openbaarmaking deur ’n hof van reg vereis word
  • Inligting met jou toestemming met ’n ander praktisyn of pastorale leier gedeel word vir verwysing of ondersteuning.

Rekordhouding en Elektroniese Kommunikasie

Basiese beradings rekords mag gehou word vir kontinuïteit van sorg en aanspreeklikheid. Rekords word elektronies gestoor en deur redelike sekuriteitsmaatreëls beskerm, soos wagwoord beskerming. Alhoewel alle redelike pogings aangewend word om jou inligting te beskerm, kan absolute sekuriteit weens die aard van elektroniese kommunikasie nie gewaarborg word nie. Indien jy bekommernisse het oor elektroniese berging of kommunikasie, kan dit bespreek word.

Meervoudige Beradenes en Gesamentlike Sessies

Wanneer berading meer as een persoon behels (soos paartjies, gesinne, ouer en kind, of groepe), sal vertroulikheid aan alle partye aan die begin van die beradings verhouding verduidelik word.
Alle deelnemers sal die geleentheid hê om te bespreek watter inligting vertroulik gehou sal word, wat binne die sessie gedeel mag word, en wat die berader moontlik verplig is om bekend te maak ingevolge etiese en wetlike verantwoordelikhede.

Regs afhanklike Beradenes (Kinders en Adolessente)

Berading wat aan kinders en adolessente gelewer word, word gelei deur die beginsel dat die beste belang van die kind altyd van primêre belang is. Spesiale sorg word aan die dag gelê wanneer daar met kinders gewerk word, veral dié van 14 jaar en jonger.

Vir beradenes onder die ouderdom van 18jr. wat nie wettiglik geëmansipeer is nie, kan die wet ouers of wettige voogde toelaat om toegang tot hul kind se beradings rekords te verkry. Gepaste privaatheid is egter dikwels noodsaaklik vir effektiewe berading, veral by adolessente. Om hierdie rede kan ouers of voogde versoek word om in te stem om hul toegang tot gedetailleerde beradings rekords te beperk.

Waar sodanige ooreenkoms bestaan, sal ouers of voogde gewoonlik slegs die volgende ontvang:

  • Algemene terugvoer oor die beradene se vordering
  • Bevestiging van bywoning van geskeduleerde sessies.
Inligting wat deur die beradene gedeel word, sal vertroulik bly tensy daar ’n ernstige bekommernis bestaan oor die veiligheid van die beradene of ander persone, of waar openbaarmaking deur die wet vereis word.

Indien jy onder die ouderdom van 18jr. is, sal die beperkings van vertroulikheid aan jou verduidelik word aan die begin van berading, insluitend die omstandighede waaronder inligting moontlik met jou ouer of voog gedeel moet word. Waar moontlik, sal enige sodanige deel van inligting vooraf met jou bespreek word, en jou sienings sal met respek oorweeg word.
Aan die einde van berading mag ’n kort opsomming van die beradings proses, waar toepaslik, aan ouers of voogde voorsien word.

Aanmelding van Mishandeling van Kinders en Weerlose Volwassenes

Beraders is wetlik en eties verplig om enige redelike vermoede of kennis van mishandeling of verwaarlosing van ’n kind of ’n weerlose volwassene aan te meld, in ooreenstemming met toepaslike wetgewing en beskermings verantwoordelikhede.

Professionele Rekords

Beradings rekords word gehou om kontinuïteit van sorg en aanspreeklikheid te ondersteun. Persoonlike sessie notas word apart van die algemene beradings rekord gehou en word uitsluitlik deur die berader vir professionele doeleindes gebruik. Hierdie notas word nie sonder die beradene se skriftelike toestemming met ander gedeel nie, tensy dit deur die wet vereis word.

Alle rekords word hanteer in ooreenstemming met toepaslike privaatheid wetgewing, insluitend die Wet op die Beskerming van Persoonlike Inligting (POPIA). Algemene inligting oor POPIA en databeskerming regte kan verkry word via amptelike Suid-Afrikaanse regeringsbronne of ander betroubare regs webwerwe.
Inligting rakende huidige gesondheidsverwante protokolle, waar van toepassing, kan ook deur die kerk of beradings bediening beskikbaar gestel word.

Beëindiging van Berading

Berading, soos alle verhoudings, het ’n begin, ’n proses en ’n einde. Waar moontlik, word berading deur wedersydse ooreenkoms tussen die berader en die beradene beëindig, gewoonlik wanneer beradings doelwitte bereik is en daar ’n redelike verwagting bestaan dat vordering volgehou kan word.
’n Beradene mag berading te eniger tyd beëindig. Waar moontlik, word ’n beplande afsluiting aangemoedig om oor vordering te reflekteer, oorblywende bekommernisse aan te spreek en die beradings verhouding op ’n gesonde wyse af te sluit.

In sekere omstandighede mag ’n berader bepaal dat dit nodig is om berading te beëindig, selfs indien die beradene nie saamstem nie. In sodanige gevalle sal die berader:

  • Die redes vir beëindiging met die beradene bespreek
  • Waar toepaslik, poog om die bekommernisse aan te spreek of op te los
  • Redelike kennisgewing gee om ’n gladde oorgang te verseker
  • Verwysings na ander geskikte ondersteuning of professionele persone aanbied, waar beskikbaar
  • ’n Finale sessie aanbied om afsluiting te ondersteun
  • Skriftelike kommunikasie verskaf waarin die beëindiging verduidelik word.

Verklaring en Toestemming

Indien jy die bogenoemde bepalings, insluitend die beperkings op vertroulikheid, gelees, verstaan en aanvaar het, en bewus is van jou regte en verantwoordelikhede met betrekking tot die beradings diens, word jy versoek om hierdie dokument te onderteken.

Indien jy nie met die bepalings en voorwaardes soos uiteengesit in hierdie ooreenkoms en toestemmings verklaring saamstem nie, moet jy die diensverskaffer onmiddellik in kennis stel. Indien geen sodanige kennisgewing gegee word nie, sal dit geag word dat jy die bepalings en voorwaardes hierbo aanvaar en daarmee saamstem.

Digitale en Elektroniese Handtekeninge

Hierdie toestemmingsvorm mag elektronies onderteken word. Suid-Afrikaanse reg erken elektroniese handtekeninge as geldig en afdwingbaar, en geen spesiale formaliteite word gewoonlik vereis vir ’n ooreenkoms om wetlik bindend te wees nie.

Ingevolge die Wet op Elektroniese Kommunikasie en Transaksies 25 van 2002 (ECTA), kan ’n elektroniese handtekening metodes insluit soos die intik van ’n naam, die klik van ’n aanvaardings knoppie, die ondertekening op ’n digitale toestel, of die gebruik van ’n geskandeerde handgeskrewe handtekening.

Waar dit deur die wet vereis word, kan ’n gevorderde elektroniese handtekening gebruik word. Vir die doeleindes van hierdie beradings toestemming is ’n standaard elektroniese handtekening voldoende, tensy anders gespesifiseer.

Deur hierdie dokument elektronies te onderteken, stem jy daartoe in dat jou handtekening wetlik geldig en bindend is.

Submit