8 Okt 2025

Eksodus 26:1-37

Moses kry in detail opdrag hoe om die tentheinings te maak met die 66 pale wat om die Tabernakel kom. (Daar is 66 boeke in ons Bybel).

Hy beskryf die materiaal en pale asook die Tent wat oor die Heilige en Allerheiligste moes hang.
Daarna beskryf hy die voorhangsel wat die Allerheiligste moes skei van die Heilige.
Dit was die massiewe dik gordyn wat van bo na onder geskeurde het tydens Jesus se Kruisiging!
Die rooi, blou en pers kleure is simbolies van die Drie-enige God wat ons toemaak met Sy liefde en beskerming!

Here dankie dat net soos die materiaal die Tent met al sy toebehore toe gemaak het, so maak U ons onder die beskerming van engele (die buite heining het engele ingeborduur gehad) toe.
U oordek ons lewens met U genade!
U is ons Voorhangsel wat ons tot 'n stadium vanuit genade moes weghou uit die Allerheiligste anders sou ons sterf.
Maar met U dood gee U ons vrye toegang tot die Genade-Troon van die Vader deur U bloed!!
U is ons Geskeurde Voorhangsel!