Numeri 25:1-18

Die Geseënde volk van die Here wat Bileam nie kon vervloek namens koning Balak nie, het in afgodery begin verval in Moab.
Die afgodery het gepaard gegaan met eksplisiete seksuele losbandigheid.
Terwyl die Here toe vir Moses sê om die afgods-aanbidders onder hulle dood te maak, kom daar toe n Israeliet met n Midianitiese vrou verby hulle gestap oppad na sy tent.
Pinehas die jong priester vat toe n spies en deurboor die paartjie wat besig was met seksuele owerspel.
Die Here erken toe die drastiese optrede en stop die plaag onder Israel, maar 24000 het toe reeds gesterf agv hulle afgodery en sonde.

Here mag ons passievol heilig leef voor U!
U is Heilig!

Matteus 6:5-15

Gebed is n gesprek tussen jou en die Here!
Dit is nie iets om voor ander mee te spog nie maar moet met eerbare respek soos n kosbare, intieme gesels tussen jou en die Here in jou binnekamer fereeld gebeur.

Jesus gee toe n mooi voorbeeld van hoe ons moet bid.
Met die “Onse Vader” leer Hy ons as geestelike familie dat ons Een Vader het en dat ons in aanbidding na Hom toe moet kom en Sy Naam moet verheerlik, voordat ons met ons behoeftes na Hom kom.
Inkeer, berou en vra na vergifnis maak n belangrike deel van ons gebeds-lewe uit.
 
Ons gebede moet weer met lofprysing en dank afgesluit word as ons eindig en bid in die Naam van Jesus!

Here dankie dat U na die lering oor gebed dadelik oorgaan na vergifnis! Help ons ook om ander te vergewe want U het ons vergeef.
U is Ons Vader!

Amos 4:1-13

Die profeet Amos is besig om gereed te maak om Israel se oordeel aan te kondig en vir hulle te sê wat met hulle gaan gebeur. (Hy het so 100 jaar voor Israel se ballingskap geleef)  

In die aanloop daartoe vertel hy Israel dat die rampe en oorloë van die huidige tyd geleenthede was om na die Here te draai en hulle te bekeer van hulle sonde en afgodery.

Here as slegte goed met ons gebeur is dit tyd om na U te hardloop!
U is Goed!

Numeri 24:1-25

Bileam kon nie anders nie: n derde keer voor Israel seën hy hulle instede van n vloek uitspreek soos wat hy betaal word.
Balak is woedend en weier om die siener te betaal.
Dan profeteer Bileam verder oor die omliggende nasies ook en verklaar Israel se oorwinning.

Here as U praat kan geen mens U teenstaan nie!
U is Soewerein!

Matteus 6:1-4

As jy gee, sorg vir ander of net goed doen aan mense is jou gesindheid waarmee jy dit doen baie belangrik.
Jy moet dit nie doen om gesien te word nie!
Niemand hoef daarvan te weet nie.
Jy gee eintlik aan die Here! Daarom moet mense nie weet wat jy doen nie.
As jy dit uit basuin aan mense en hulle is beindruk met jou is dit jou beloning: hulle eer.
Jy kan egter doodstil bly oor jou gee of jou hulp dan eer die Here jou op Sy manier.

Here dankie vir hemelse belonings al verstaan ons nie die impak van dit nou nie.
Help ons om te gee, te help, te versorg!
Dit is U hart!
U is Liefde!

Amos 3:1-15

“Loop twee saam sonder dat hulle afgespreek het?”
Amos 3:3 AFR20

Die Here het met Israel ooreengekom dat hulle n pad saam gaan stap, maar toe verval hulle in afgodery en sonde.
Hulle het byvoorbeeld n goue kalf opgestel vir aanbidding in Betel.
Nou waarsku die Here lank vooraf vir Israel en Juda van oordeel wat kom want:
“Ja, my Heer, die Here, doen niks nie, tensy Hy sy vertroulike besluit openbaar aan sy diensknegte, die profete.”
Amos 3:7 AFR20

Die Here waarsku altyd eers Sy profete vooraf op aarde voor n ramp of oordeel die wêrwld tref.
Ons luister nie altyd vir die waarskuwings nie.

Here ons het afgespreek om met U n pad te stap.
Ons bevestig dit weer vandag!
Dankie dat U dan met ons praat en selfs waarsku, help ons om mooi na U Stem te luister!
U is ons Herder!

Numeri 23:1-30

3 keer kom die heidense profeet Bileam na die Here en die Here ontmoet hom.
As enige iemand die God van Israel raadpleeg sal die lewende God wel met hom praat al ken hy Hom nie.
Die 7 offers elke keer is voorbereiding vir Bileam om namens Balak by die Here te hoor en elke keer seën die Here Sy volk by monde van Bileam instede van vervloeking, tot Balak se uiterste frustrasie.
Hy betaal immers vir Bileam om Israel te vervloek, nou seën hy hulle.

Here dankie dat U ons seën, al gebruik U wereldse mense om dit uit te spreek!
U is die God van Jakob! Die God wat Seën!

Matteus 5:33-48

Jesus bespreek die verdere 3 van die 6 beginsels uit die wet (Torah) sodat Hy hulle die hart van die beginsel instede van die letter van die wet kan wys.

In die Ou testament sien ons hoe die wette oor n eed of belofte, vergelding en liefde vir jou naaste en vyand, die Vader se hart vir ons wys as n Vredemaker!

Jesus wys uit die 3 beginsels dat:
Geregtigheid lyk soos eerlikheid en dat ons by ons woord moet hou en die Waarheid moet praat. - Integriteit.

Om reg te leef reageer ons teenoor onregmatighede nie met geweld nie maar met kreatiewe vrede soeke.
(In Jesus se 3 voorbeelde van onregmatige behandeling gee Hy voorbeelde om kreatief vrede na te jaag instede van terug veg.)

Om in die Here se oë reg te wees moet ons liefde nie net aan ons naastes wys nie maar selfs aan ons vyande.
Onthou almal is in Sy beeld geskape!

Dus beteken:
““Wees dus volmaak soos julle hemelse Vader volmaak is.””
Matteus 5:48 AFR20

Dat Sy liefde volmaak is en ons nie moet “settle” vir onvolmaakte liefde nie maar dat ons kreatief LIEFDE moet najaag!

Here maak ons liefdevolle vredemakers!
Met integriteit haal asb vergelding uit ons harte en los net onkondisionele liefde oor.
U is die Vredevors!
Prince of Peace!

Amos 2:1-16

Die Here spreek oordeel oor die sonde van Moab uit.
Nie net een of twee oortredinge  nie maar van Balak se tyd het Moab se sondes teen hulle opgehoop.

Dan spreek die Here weereens herhaaldelile sonde aan wat ook in Juda kultuur geword het soos om Nasareners te dwing om wyn te drink en profete te sê om nie te profeteer nie.
Die Here wil met en deur toegewyde mense praat maar as ons nie wil luister nie is dit frustrerend vir die Here.

Ook om mense soos voorwerpe te hanteer as dit by hulle skuld kom (mense in skuld was as slawe verkoop) of as dit by die seksuele kom, is vir die Here afgryslik.

Here mense vergeet U is in beheer en nie ons nie!
U is Almagtig!

Numeri 22:1-41

Die volk het verby Moab getrek.
Uit vrees vir Israel het die Moabitiese koning, Balak, na die profeet Bileam toe uitgereik om Israel te vervloek.
Die Here praat egter met die profeet om vir hom te sê om nie Israel te gaan vervloek nie.
As Balak dan weer verteenwoordigers stuur met n offer vir meer geld, is dit vir Bileam n groot versoeking.

As hy dan op sy donkie na Balak toe gaan verskyn die Here aan Bileam se donkie!
(“Die Engel van die Here” is anders as “n engel van die Here” )

Die donkie praat dan met sy eienaar nadat die profeet hom 3 keer geslaan het.
Eers dan sien Bileam ook die Here en praat hy met Hom.

Here ons kan net seën wat U seën!
Elke vloek is deur U aan die kruis (die vloek-hout) gebreuk daarom vervloek en vloek ons niemand nie!
Jesus U is die Engel van die Here!

Matteus 5:21-32

Hier verduidelik Jesus 3 van 6 beginsels wat Hy uit die wet (Ou Testament) en hulle Joodse kultuur gaan haal en die hart daar agter wys.

Moord is nie net as jy iemand doodmaak nie, maar ook as jy nie iemand waardevol behandel soos wat hulle is nie!

Owerspel en wellus gebeur omdat ons mense soos goed sien en nie soos die beeld van God nie!

Egskeiding gebeur sê Jesus omdat mense in die huwelik nie die Here se respek en liefde aan mekaar gee nie. Ons is ALTYD veronderstel om ander beter as onsself te behandel en te weet hulle is in God se  beeld geskep.

Here ons besef dat om reg te leef moet ons ander behandel deur te sien hoe U hulle sien!
U is ons Maker!

Amos 1:1-15

Hierdie skaapboer en profeet in Juda het dieselfde tyd as Jesaja geprofeteer.

Hy begin deur oordeel uit te spreek teenoor Gasael wat sy koning Ben-Hadad vermoor het en Juda beveg het vanuit Damaskus.
(2 Konings 9)
Hy spreek na Aram oordeel uit oor die Filistyne in Gasa en daardie strook, teenoor Edom wat Juda aanval, die Ammoniete wat Juda plunder en Tirus wat later sou verdwyn.

Here as volke teen Jerusalem opstaan, staan hulle teen U en kom daar oordeel!
U is die Beskermer van Israel wat nie sluimer of slaap nie.

Numeri 21:1-35

Nadat die Here vir Moses en die volk oorwinning gegee het oor die eerste van die Kanaanitiese volke het die mense weer gekla!
Hulle kla oor die manna en kwartels en noem dit wat die Here vir hulle daagliks bo-natuurlik voorsien, walglik en ellendig!

Giftige slange in die woestyn byt hulle toe.
Moses, in opdrag van die Here, maak toe n koperslang aan n paal (kruis), as hulle opkyk na die slang was hulle genees.
Soos ons genees word van sonde as ons geestelik opkyk na Jesus wat ander verag het, dit het ons Verlossing geword!
Verder trek Israel oos van die Jordaan verder en oorwin die Ammoniete, Moabiete en die Amoriete: almal volke wat geweet het hoe om die Filistynse reuse te veg.
Hulle leer n nuwe gevegskuns wat hulle sou bly help tot die tyd van Dawid wat die laaste van die reuse oorwin is.

Here dankie dat U ons help om ons reuse te oorwin as ons ons koppe optel en na U kyk vir verlossing, genesing en oorwinning!
U is die Here van die Leërskare!!

Matteus 5:13-20

Ons is sout en lig vir die wêreld wat in donker sit en nodig het om nie aan verotting oorgelaat te word nie maar die evangelie se sout in die samelewing als te laat stabiliseer.
Oor 2000 jaar het die Goeie nuus van Jesus se verlossing duister kulture omgedraai na die lig en dan soos sout dit bruikbaar en leefbaar gehou!

Ons leef en skyn Jesus uit na almal om ons!
Daarom is reg lewe in die wet vervat op grond van beginsels wat ons lewens verlig en deursout!

Here help ons om lig te wees vir n donker wêreld om ons en dat ons dan soos sout sal intrek en verander en sonde se verotting van nature kan teenstaan!
U is die Lig!

Joël 3:1-21

Hierdie profesie is vir die toekoms.
Wat ins ook weet uit ander gedeeltes van die Skrif beskryf hierdie die einde van die 1000 jaar vrederyk.
Jerusalem gaan voor dit weens n aarbewing verander sê die Woord en n rivier gaan na die Dooie see loop en dit transformeer, die standhoudende rivier gaan ook na die Middelandse see loop en die plante groei beinvloed.
Daar kom egter aan die einde van daardie era n rebellie teen Jesus se Leierskap wat in Jerusalem gesetel sal wees en n oorlog gaan gebeur.
Daar sal Christus oordeel teen die volke.

Here ons wil U bly dien en weet ook daar is dinge in die Bybel opgeskryf wat nog moet gebeur, nie als het al klaar plaas gevind nie!
U is Koning vir Ewig!

Numeri 20:1-29

Na Miriam se dood is die Israeliete weer sonder water in die woestyn.
Die vorige keer wat dit gebeur het (Ex. 17) het die Here vir Moses gesê om die Rots te slaan en water het uitgevloei van die Rots.
Nou gee die Here vir Moses die opdrag om met die Rots te praat, maar Moses slaan weer die Rots uit frustrasie met die hardkoppige mense wat hy lei.
Die simboliek: Om die Gees (water) te kry moes die Rots (Jesus) geslaan (gekruisig) word, maar nou as ek en jy die Gees wil hê moet ons net vra, Hy is reeds vir ons “geslaan”.
Daarom omdat Moses en Aaron ongehoorsaam en kwaad was en so die simboliese verkeerd oorgedra het, sê die Here vir hulle 2 dat hulle ook in die woestyn sal sterf en nie in die beloofde land sal ingaan nie.
Aaron sterf en sy seun word hoëpriester.
n Maand se rou word volgehou.

Here dankie dat U die Rots ons lewende Water, die Heilige Gees, gee!
U is ons Rots!

Matteus 5:1-12

Jesus preek op die berg daarom noem ons hoofstuk 5-7 die Bergrede of Sy Berg-prediking.

Jesus begin met die Salig-sprekinge.
Hy noem n paar eienskappe wat in die wêreld se oë nie so belangrik is of enigsins gesogte gedrag is nie, maar nogtans vier Hy dit.
Hy moedig saam huil, sagmoedigheid, barmhartig wees, soeke na reg lewe, vrede maak, reinheid, lyding vir Sy Naam aan deur sulkes “Geseënd”, “salig” of anders gestel, “gelukkig” te noem.

Vir die Geseëndes sê Hy hulle beloning is in die hemel en nie noodwendig op aarde nie.

Here dankie dat ons anders gefokus is op sukses!
Iemand kan vir die gewone mens op straat onsuksesvol lyk maar in U perspektief Geseënd wees omdat hulle U hart verstaan en eienskappe soek.
Hemelse seën en beloning is vêr groter as aardse rykdom, roem en sukses!
U is die Een wat seën!

Joël 2:27-32

Hoop vir die toekoms!
Die profesie wat vervul word in Handelinge 2 as die Heilige Gees oor n jong kerk uitgegiet word en mense in tale uitbars, word deur Petrus herhaal as mense in Jerusalem dink die nuwe Christene is dronk teen 9uur die oggend.

Die profesie was in n gesstlike dooie tyd waar boosheid die oorhand gehad het.

Here dankie dat slegte eras ook tot n einde kom en daar tye is waarin U mense red en U Heilige Gees oor hulle uitstort!
U is die Lewe-gewende Gees!

Numeri 19:1-22

Die offers van die volk se offer, n rooi koei (red heifer), maak die wat dit offer onrein.
Netso is enige iemand onrein as hy aan n lyk raak of daarmee te doen het.
In die wet maak onrein, rein onrein.
Maar met die dogter van Jairus en die seun van Nain raak Jesus aan die dooies want deur Sy Goddelikheid maak rein onrein weer rein.
Jesus maak ons wat onrein van sonde skoon deur Sy genade.

Here dankie vir U genade!
U is Heilig
Skoon en Rein!

Matteus 4:12-25

Na Jesus se doop en versoeking in die woestyn het Hy gehoor Johannes die Doper is gevang deur Herodus.
Hy het toe Sy nuwe tuiste Kapernaum gemaak en van daar af bedien.
Dit is teen die see van Galilea en daar het Hy 2 stelle broers geroep om Hom te volg.
Die vissermanne was Petrus en Andreas en ook Jakobus en Johannes.

Baie mense van selfs die heidense Dekapolis en so vêr as Judea het na Jesus gestroom om vir Hom te luister maar ook omdat Hy vir siekes gebid het en hulle was genees.

Here dankie dat U omgee vir mense want U het die moeite gedoen om vir hulle te bid.
U is die Meester.

Joël 2:1-26

Die dag van die Here!
Hierdie term wys na n oordeelsdag van die Here vir Israel wat naby was, maar kan ook wys na die laaste oordeel aan die einde van die tyd wat vir die wêreld wag.

Vir Israel word hier oor sprinkane geprofeteer, maar ook oor n volk uit die Noorde, moontlik die Assiriërs, wat hulle sou plunder.

Daar is egter uitkoms in berou:
“Skeur julle harte, en nie julle klere nie, draai om na die Here julle God; want Hy is genadig en barmhartig, geduldig en oorvloedig in troue liefde, Hy het berou oor die onheil wat Hy bring.”
‭‭Joël‬ ‭2‬:‭13‬ ‭AFR20‬‬

So die Here kon vir Israel weer herstel na n ramp en Hy kan jou weer herstel na rampe jou terug gesit het!
““ Ek sal julle vergoed vir die jare toe die treksprinkane, die voetgangers, die kaalvreters en die ruspes alles opgevreet het, daardie groot leërmag van My wat Ek teen julle uitgestuur het.”
‭‭Joël‬ ‭2‬:‭25‬ ‭AFR20‬‬

Here dankie vir U reën van geregtigheid wat val en letterlike en geestelike herstel bring. Reën soos in die fisiese wat growi bring is ook n teken van U Gees wat restoreer.
U is die Gees van God!

Numeri 18:1-32

Alles in Numeri wys ook na Jesus!
Na die rebellie van Korag maak die Here dit baie duidelik dat Hy die Leviete gekies het om diens te doen in die Tabernakel en uit hulle uit in besonder die familie van Aaron om die hoëpriester werk te doen.
Jesus is ons Hoëpriester gekies om vir ons almal te bid.

Die eerste van elke dier en elke oes en elke mens behoort aan die Here en moet aan die Leviete gegee word.
Oudstes mense van n gesin moet los gekoop word!
Jesus was die Eersteling wat as Offer vir ons betaal is.
Daarom uit dankbaarheid gee ons steeds ons eerste 10% aan Hom.
n Tiende van die mense se 10des moes gaan aan die Hoëpriester.
So die Leviete moes hulle tiende aan Aaron betaal.
Die kerk gee ook sodat Jesus se Koninkryk kan uitbrei!

Here dankie dat U n stelsel van voorsiening uit dankbaarheid ingestel het! Leer ons om te gee sodat Christus verheerlik kan word.

U is ons Eersteling Offer!

Matteus 4:1-11

Jesus gaan na Sy doop in die woestyn in om te vas en te bid en vir 40 dae is Hy sonder kos.
Dis toe dat satan kom met 3 versoekinge en wat Hy kom voor veg het verniet vir Jesus wou gee, as die Here aan hom sou onderwerp.
Al haal satan skrif aan om Jesus te probeer mislei weet die Here egter wat die skrif eintlik beteken.
Aan die einde van Sy vas bedien engele vir die Here.

Here dankie dat U met die geestelike stryd U publieke bediening begin het.
Elkeen van ons worstel ook met die mense-moordenaar en vader van leuens, maar in U is daar oorwinning!
Want U het hom reeds gewen!
U is die Oorwinaar!

Joël 1:1-20

Joël profeteer aan Juda in n baie slegte tyd.
Atalia die bose koningin is besig om afgodery in Jerusalem op te rig. (835 v.C)
Nou profeteer die vroëe profeet van n natuur ramp wat gaan kom voor die groot oordeelsdag van die Here (wat ons nou weet die ballingskap van Juda deur Nebukadnesar sou wees).
Hierdie sprinkaan-plaag wat Juda sou tref sal so n groot impak op die volk hê dat hulle 4 geslagte daarna nog na dit sal verwys.
As sprinkane begin om ALLES kaal te vreet is selfs groot bome sonder bas en hou hulle nie lank voor dit ook verdor nie.

Self die skepping, Here, is onderworpe aan die sondeval!
Help ons om dit ook reg te bestuur vanuit verhouding met U!
U is die Een wat alles in U Hand hou.

Numeri 17:1-13

Nadat die Israeliete Moses en Aaron se outoriteit en Godgegewe leierskap weer in twyfel getrek het sê die Here om die 12 leiers van elke stam hulle staf vir Moses te gee.
Om te bevestig dat die Here die Leviete mee gepraat het, het die Here die staf van Aaron laat bot met amandel bloeisels en vrugte, maar nie een van die ander sn het gebot nie.
Die Here gee toe opdrag dat die staf van Aaron in die Ark moes gehou word as n bewys dat Hy Aaron en Moses as leiers aangetsel het.

Here die volk was oorweldig met vrees vir U, mag ons U ook vrees maar mag dit ons juis na U toe dryf en nie weg van U nie!
U is die Skepper!