Esegiël 14:1-23

Esegiël profeteer teen die afgodery in Israel.
Die Here wys vir die profeet dat mense wat afgode het met voor opgestelde idees die Here raadpleeg en dan mislei word om te dink dit is wat die Here sê, maar dan is dit hulle eie wense.
Die Here kondig Sy oordeel oor Jerusalem aan en sê dat nie eers Job, Noag en Daniël die boosheid in mense se harte van Jerusalem sal kan verander as hulle tussen hulle gewoon het nie.

Here dankie dat U ten spyte van U oordeel steeds n oorblyfsel regverdiges bewaar het om U volk te laat voort bestaan.
U is die Begin en die Einde!

2 Konings 2:1-14

Elia word opgeneem in die hemel deur n vuur-perdewa.
Elisa wat by hom was vra vir n dubbel porsie van Elia se salwing.
(Elisa sou presies dubbel die wonderwerke doen wat Elia gedoen het.)

Daar was op n afstand 50 jong profete wat dit alles aanskou het en daarvan kon getuig.
Ook van Elisa wat Elia se mantel gekry het en net soos sy meester die Jordaanrivier daarmee geslaan het en die waters laat oopgaan het.

Here dankie vir seisoene van bediening en mentors wat mantels oorgee aan die wat saam met hulle stap.
U is Gesalfde wat salf!

Markus 14:12-25

Die dissipels het die plek gaan gereed maak vir die Paas-ete.
Iemand het toe vir hulle n bo-vertrek beskikbaar gestel wat toe later die plek sou word waar die 1ste kerk sou begin.
Volgens oorlewering was dit Markus se moeder se huis.
Daar het Jesus die nagmaal in gestel en aangekondig dat iemand Hom sou veraai, want Hy het reeds geweet van Judas Iskariot se onderhandelinge met die Skrifgeleerdes.

Here plekke is nie belangrik nie maar tog is n geskikte lokaal wat U uitkies vir n besonderse geleentheid altyd spesiaal.
Dankie vir kerk geboue en persele oor die eeue heen wat U Naam uit gedra het.
U is die Brood en die Wyn, want U is die PaasLam!

Esegiël 13:1-23

Die Here wil Sy volk red van vals profete wat sê dat alles reg gaan wees terwyl hulle eintlik onder veroordeling staan.
Hulle profeteer en wil alles toeplak wat verkeerd is met godsdiens en maak asof dit goed is soos iemand wat n muur pleister en kalk (verf) wat nie oordentlik gebou is nie.
As storms kom verkrummel dit en so ook die mense wat net vir goeie tye profeteer.

Here gee ons geestelike leiers wat die waarheid praat en nie net goed voel boodskappe preek   nie.
U is die Waarheid!

2 Konings 1:1-18

Ahasia die seun van Agab en Isebel word koning oor Samaria.
Hy word egter beseer en wou van n afgod weet of hy sou herstel.
Elia onderskep egter sy afgevaardiges en sê aan hulle die koning sal nie herstel nie.
Uit woede stuur Ahasia toe 50 man om Elia te vang.
Twee keer agter mekaar verteer vuur egter die leier en sy groep van 50 omdat hulle nie respek vir die Here se profeet het nie.
Toe die 3de aanvoerder van 50 Elia met die vrees van die Here benader het die profeet saam gegaan en toe gesien hoe die Here se woord deur hom tot vervulling kom: Koning Ahasia sterf.

Here mag ons respek vir U en U profete hê!
U is die Een wat antwoord met vuur.

Markus 14:1-11

n Vrou salf Jesus se voete as n profetiese aksie met duur nardus olie.
Hy sê dis n voorbereiding vir Sy dood.
Judas Iskariot is verontwaardig want die geld kon gebruik geword het vir iets anders.
Hy het immers die beursie van die groep gedra en geld daaruit geneem.
In sy onsteldheid besluit hy om Jesus te veraai en hy gaan sien die geestelike leiers van Israel.

Here help ons om nie verkeerde gesindhede te hê nie maar die te eer wat eer toekom.
U is die Gesalfde!

Esegiël 12:1-28

Esegiël word deur die Here gesê om n profetiese aksie dramaties uit te beeld vir die mense in Jerusalem.
Alhoewel hy in Babilonië bly sou die boodskap wat die profeet in ballingskap uitbeeld vir die mense van Juda deur hulle families en vriende aan hulle oorgedra word.
Verder sê die Here deur  Esegiël dat die profesie sal waar word anders as dit waaraan die Israeliete gewoond is.

“Daarom, sê vir hulle, ‘So sê my Heer, die Here: “Nie een van my woorde sal meer uitgestel word nie. Wat ek aankondig, sal gebeur.” Dit is die uitspraak van my Heer, die Here.’ ””
‭‭Esegiël‬ ‭12‬:‭28‬ ‭AFR20‬‬

Here help ons om U Woord uit te leef.
U is die Waarmaker van U Woord!

1 Konings 22:41-54

Josafat was een van die min Godvresende konings van Juda.
Hy het in vrede mat Agab en later met sy seun Ahasia geleef.
Josafat was 25 jaar lank die koning van Jerusalem en Juda.
Ahasia was 2 jaar lank die koning in Samaria oor Israel en hy was soos al die Israeliese konings boos.

Here help ons om te midde van alles om ons nogsteeds ons oë op U te hou!
U is die Regverdige!

Markus 13:15-37

Jesus beskryf die groot verdrukking aan die einde van die tyd.
Dit gaan angswekkend wees maar die Here gaan ons kom haal.
Daarom moet ons verwagtend uitsien na Sy koms al weet ons nie waneer dit spesifiek is nie.

““Tog ken niemand die presiese datum en tyd wanneer hierdie dinge sal gebeur nie – ook nie die engele in die hemel of selfs die Seun nie. Dit weet net die Vader.”
MARKUS 13:32 NLV

Here ons sien uit na U koms!
Kom Here Jesus!
Kom gou!
U is die Oorwinaar!

Esegiël 11:1-25

Esegiël word weer deur die Gees na Jerusalem geneem en die leiers van die stad gewys.
Die Here praat toe oor die verkeerde en negatiewe advies wat die manne mee lei.
Hulle waarsku dat hulle die vleis is en Jerusalem die pot waarin hulle kook.
Maar Esegiël sê toe vir hulle dat die ongehoorsames in die stad nie daarbinne sal sterf nie maar wel in ballingskap.
Terwyl hy nog profeteer sien hy in sy geestesoog hoe een van die leiers sterf.
Hy vra toe die Here hartseer daaroor uit.
Die Here sê toe egter dat die oorblyfsel van die volk die is wat in ballingskap in Babilonië leef.
Die Here beloof toe verder dat die oorblyfsel van Israel na hulle land sal terug keer en dan sonder afgodery voor die Here sal leef.

Here dankie dat U die hart van klip binne ons verwyder en vir ons n hart van vlees gee!
U is die God van Israel!

1 Konings 22:1-40

Agab wou gaan veg teen Aram.
Hy kry toe die hulp van die regverdige en jonger koning van Juda, Josafat, wat sy skoonseun ook was om hom te help veg.
Josafat vra egter eers vir n profetiese woord en 400 profete profeteer dat Israel en Juda die geveg gaan wen, maar hulle is almal deur n leuengees geinspireer.
Met twyfel in sy hart vra Josafat vir nog n profesie en Miga praat die waarheid en sê dat die stryd hulle lewens gaan kos en Aram gaan wen.
Kwaad vir die profeet besluit die 2 Konings om in elk geval te gaan veg.
Hulle verloor en sterf in die stryd.
Agab se bloed word deur die honde opgelek netsoos Nabot se bloed vergiet was.

Here help ons om U stem nederig te hoor!
U is die Here van die leërskare!

Markus 13:1-14

Beindruk deur die massiewe bouprojek van Herodus wat die Tempel groot en mooi herbou het, vra die dissipels die Here uit oor die eind tye.
Jesus profeteer egter dat die Tempel nie een klip op n ander sal oor hê nie waneer dit vernietig word.
40 jaar later het dit so gebeur.
Jesus verduidelik verder oor die eind tye dat as ons Hom volg verdrukking en vervolging deel van ons Christenskap gaan wees.
Ons moet egter nie mislei word nie en ons moet ook vasbyt en aanhou om Hom te dien.

Here ons besef ons leef in die laaste dae voor U wederkoms, help ons vasbyt en uitsien na U koms!
U is die Bruidegom wat kom om U bruid te kom haal!

Esegiël 10:1-22

Esegiël is nogsteeds besig met die visioen wat hy begin sien het in sy huis in Babilonië toe leiers van Israel daar was. (Hoofstuk 8)
Nou sien hy hoe die man wat linneklere aan het en vantevore die volk moes merk, nou kole by n engel kry en dit oor Israel moet uitgooi.
Maar instede van die 5 “manne” wat vantevore in sy visioen beskryf was is daar nou 4 engele wat lyk soos die 4 wesens wat Esegiël in die begin van sy boek beskryf.
Hy sien ook om hulle wiele in wiele waarmee hulle rondbeweeg.

Here as mense U Troonkamer gesien het deur drome en visioene was daar altyd iets beskryf wat ons nie verstaan nie, want U Teenwoordigheid is bo wat ons kan begryp!
U is Almagtig!

1 Konings 21:1-29

Agab sit met afguns en kyk na Nabot se wingerd en toe Nabot dit nie wou gee of verkoop nie het die koning soos n stout kind n “tantrum” gegooi.
Isebel sy vrou het toe deur manupilasie vir Nabot laat vermoor.
Agab het toe Nabot se wingerd gevat.

Elia het toe teen Agab en Isebel hieroor geprofeteer.
Agab het egter berou gehad en vir n tyd lank genade gekry by die Here.

Here beskerm ons van manupilasie.
Mag ons soos Nabot bly reg doen al kos dit ons lewens.
U is die Regverdige Koning !

Markus 12:35-44

Jesus verduidelik aan die skare mense in die Tempel terein dat Hy ook die Here is van Sy voorvader Dawid.

Verder waarsku Hy die mense in hulle plek van aanbidding teen hulle geestelike leiers wat op daardie stadium hoogmoedig was en mense uitgebuit het.
In kontras daarmee bemoedig Hy die weduwee wat haar alles vir die Here kom gee het.
Al was dit net 2 klein munstukke het dit geweldig baie vir Hom beteken want sy het haar afhanklikheid gewys deur in oorgawe vir die Here te gee en op Hom te vertrou vir versorging.

Here mag ons U ten volle vertrou vir wat ons nodig het soos hierdie weduwee.
Help ons om nie op ons eie inkomste te vertrou nie maar op U!
U is ons Versorger!

Esegiël 9:1-11

Esegiël sien verder in sy visioen in sy huis die skokkende en hartseer openbaring van die Here af.
Hy sien 6 mans maar een van hulle is in linne geklee met n skrywer sak.
Die Here sê toe vir die man om elkeen in Jerusalem te merk wat berou het en kla oor die afskuwelike dade van afgodery wat al die mense doen.
Agterna moes die ander 5 mans loop en almal dan doodmaak wat nie die merk het nie, maw wat gewoond en tevrede is met Jerusalem se sonde want hulle pleeg dit self.
Esegiël sien toe in sy visioen dat almal doodgemaak word en niemand in Jerusalem die merk van berou het wat hulle laat lewe nie.

Here dankie dat U selfs vir n bose Jerusalem laat waarsku het deur die profeet, mag ons ook in berou leef oor die sonde om ons.
U is Heilig!

1 Konings 20:1-43

Agab veg teen die koning van Aram, Ben-Hadad.
Bo alle verwagting wen Israel twee keer, met n baie kleiner weermag teen die sterker Arameers.
Dit was met die Here se hulp.
Agab laat egter teen die Here se wil vir Ben-Hadad vry nadat hy hom oorwin het en die profeet kondig oor die koning aan dat dit sy lewe gaan kos.

Here help ons om ons oorwinnings deur te voer tot die einde toe en nie deur sosiale druk op te hou veg teen die vyand nie!
Help ons teen sonde bly veg!
U is die Oorwinaar!

Markus 12:18-34

Jesus beantwoord die skrifgeleerdes wat Hom wou uitvang en verkeerd bewys.
Die Saduseers wat nie in die opstanding na die dood geglo het nie kom met hulle argument waarmee hulle al menigte kere die Fariseers kon uitvang.
Jesus dink en redeneer egter op n ander vlak.
In die hemel gaan ons nie in die huwelik gegee word nie, want ons gaan met die Bruidegom Jesus getroud wees.
Intimiteit met een ander mens gaan nie nodig wees nie omdat ons altyd ten volle en perfek met Hom intiem gaan wees.

Verder sê Jesus dat die shema wat Jode ken, baie belangrik is maar Hy voeg by die gedeelte van liefde vir die Enigste God, dat jy jou naaste moet liefhê soos jouself.
Dit was revolusionêr en tog stem die jong skrifgeleerde saam met Jesus se uiteensetting.

Here help ons om ander ook lief te hê omdat ons U lief het met alles in ons!
U is die Enigste God!

Esegiël 8:1-18

Esegiël was in Babilonië, in sy huis saam met leiers van Israel wat in ballingskap was.
Maar die Here voer hom geestelik weg, terug na Jerusalem.
Hier wys die Here die jong profeet die afkuwelike afgodery wat IN die Tempel en in Jerusalem aangaan.
Afgode, Tammus (vir wie kinders ge-offer word) en die aanbidding van die son is dit wat Esegiël nou self sien gebeur onder die wat agter gebly het en nie na Babelonië toe weggevoer is nie.
Hy kan dus verstaan as die Here straf oor hulle in gedagte het.

Here help ons om U te vrees!
Ons het vir U respek en eer want ons het U lief!
U is God Almagtig!

1 Konings 19:19-21

Elia kry vir Elisa in sy werksplek en gooi sy mantel oor hom.
Met ander woorde hy stel Elisa aan in sy eie plek en amp as profeet.
Elisa slag toe die osse waarmee hy geploeg het en maak vuur met die trekgoed vir die offer.
Dus offer Elisa letterlik sy werk en ou lewe op om die roeping as profeet te volg en in Elia se voetspore te stap.
n Profetiese aksie vir n profeet!

Here help ons om ons ALLES vir U te gee en nie vas te klou aan ons bekende en gemaklike ou lewe nie.
U is ons ALLES,
U is ons Toekoms!

Markus 12:1-17

Jesus praat op die Tempel terein met die gewone mense maar veral met die Joodse leiers.
In Sy vergelyking is dit baie duidelik dat die Jode die landbouers is wat by die Vader “grond huur”.
Hulle verwerping en marteling en selfs moord van die Vader se boodskappers is n definitiewe verwysing na die Ou Testamentiese profete. Daarom verstaan almal dat Jesus van Homself praat as Hy vertel hoe die Seun ook vermoor was. Dit het die geestelike leiers baie kwaad gemaak.

Verder kon hulle nie Jesus uitvang met die strikvraag oor belasting nie: Sy antwoord oor om vir die keiser te gee wat aan hom toekom en aan die Here wat aan Hom toekom, bly vandag nogsteeds vir ons as christene n riglyn om getrou belasting te betaal en die kerk in stand te hou deur ons tiendes.

Here dankie dat ons U beeld dra en daarom alles van ons aan U behoort, netsoos n denarius die beeld van die keiser dra en ons dit kan gebruik maar n gedeelte moet in erkenning terug gaan na hom toe.
U is die Bron van Alles!

Esegiël 7:1-27

Esegiël was van die eerste groep wat in Ballingskap weggevoer is Babilonië toe.
Hy het geprofeteer vanuit Babelonië vir die wat nie weggevoer is nie en genadiglik in Jerusalem agter gebly het.
Maar instede daarvan dat hulle berou getoon het en die Here voluit gedien het, het hierdie oorblywendes in Israel gerebelleer teen Nebukadnesar en boonop nie die Here aleen gedien nie.
Hulle arrogansie en afgodery het n volgende en finale inval en verwoesting tot gevolg gehad en dit is waaroor Esegiël die oorblywende Israeliete waarsku.

Here mag ons leer uit ander se foute en nie so hardkoppig wees om dit te bly herhaal nie.
U is die Regverdige Regter!

1 Konings 19:1-18

Na Isebel dreig om Elia dood te maak vlug hy so vêr suid as wat hy kon gaan.
In n moeë en depressiewe toestand wens hy, dat hy sterf.
Die Here versorg hom egter deur n engel wat vir Hom kos gee.
Daarna en na n 40 dae vas en stap ontmoet die Here vir Elia by n grot op Horeb.
Die Here wys hom n rukwind, aardbewing en toe vuur, maar die Here was nie daarin nie.
Hy was egter in die sagte aandwind wat daarna gewaai het en toe antwoord Hy vir Elia!
Hy bemoedig die profeet deur vir hom te sê daar is nog 7000 Israeliete wat die Here dien en nie vir Baal nie.
Verder sê die Here vir hom om vir Israel n nuwe koning te salf sowel as hulle bure die Arameers en dan moet Elia ook vir Elisa as sy opvolger salf.

Here dankie dat U ons antwoord, versorg en visie wys vir die toekoms!
U is die Een wat antwoord in die sagte gesuis!

Markus 11:1-33

Die Laaste week voor Jesus se kruisiging begin met die intog in Jerusalem op die donkie vul.
Nie op n oorlogsperd nie maar op n donkie om Sy vrede-intensies duidelik uit te spel.
Jesus gaan kyk die na-middag na die Tempel en toe gaan slaap Hy weer in Betanië.
Die volgende dag reinig Hy die Tempel van geldwisselaars.
Die leiers van die priesters was toe woedend kwaad vir Jesus.

Hy spreek n vyeboom aan en dit gaan dood, maar die geestelike leiers bevraagteken steeds Sy gesag.

Here dankie dat U die Tempel gereinig het en gewys het daardeur dat alle volke welkom is want die gedeelte vir vreemdelinge was gebruik vir geldmaak en nie vir evangelisasie nie.
Help ons im vir vreemdes U goeie boodskap te verkondig.
U is die Mag en Gesag oor Alles!

Esegiël 6:1-14

Jerusalem in Juda en Israel is alreeds weggevoer in ballingskap as Esegiël weer profeteer dat die wat nog in Juda oorbly ook weer aangeval en weggevoer gaan word, dan waarsku hy hulle oor die gevolge van hulle afgodery.
Swaard en geweld was weer hul voorland en die wat nie omkom in oorlog nie sal of van pessiektes of van honger sterf.

Here mag ons uit Israel se hardkoppige verlede leer om nie enige vorm van afgodery te hê nie.
U is die Enigste God!